KUTANA NA HISTORIA YA MWIZI WA BENKI ALIYESUMBUA MIAKA 30 BILA KUKAMATWA

MUHALIFU WA BENKI MWENYE AKILI KULIKO WOTE (THE MOST PROLIFIC BANK ROBBER)..

(Taarifa ya Kusisimua).

Mwaka 2021 ulimwengu utashuhudia mmarekani aliyefanikiwa zaidi kutekeleza matukio ya ujambazi akitoka gerezani baada ya kutumikia kifungo cha miaka 17 baada ya kufanikiwa kuishawishi serikali na mahakama kupunguza kifungo chake kutoka miaka mia moja kumi na tano (115) mpaka miaka hiyo 17.

Atakapotoka na kurudi uraiani atakuwa na miaka 69, jina lake anaitwa Carl Gugasian au maarufu kama 'The Friday Night bank robber'! Muhalifu aliyeiumiza kichwa FBI kwa miaka 30 akitekeleza matukio 50 ya kuvamia na kuiba benki pasipo kukamatwa kitendo kilichopelekea FBI na waendesha mashitaka wa marekani 'kumsifu' kuwa ndiye muhalifu mwenye akili na aliyefanikiwa zaidi katika historia ya marekani (the most prolific bank robber)

Kumekuwa na kelele nyingi kutoka kwa 'mashabiki' wakiitaka Hollywood watengeneze muvi kuhusu maisha ya 'the friday night bank robber'!

Jambo lililowashangaza wengi na ulimwengu wote ni jinsi gani binadamu mmoja aliweza kutekeleza matukio 50 ndani ya miaka 30 akiwa peke yake na FBI washindwe kujua identity yake wala kuwa na hata mbinu ya kuweza kumzuia au kumkamata.

Mbinu, weledi na nidhamu aliyokuwa nayo na kutumia kutekeleza matukio yake yalikuwa ni siri na kitendawili mpaka pale alipokamatwa na kuamua kuwasimulia FBI ili kujaribu kuwashawishi kumpunguzia adhabu ya kifungo.. Na hii ni historia yake 'kwa kifupi' tu

ALIWEKA DHAMIRA AWE "MUHALIFU MWELEDI"

Akiwa na miaka 15 Carl alitekeleza tukio lake la kwanza la ujambazi ambapo alijaribu kuiba fedha katika candy store bila mafanikio na alipigwa risasi tumboni na kukamatwa. Baada ya kukamatwa alipelekwa katika jela ya watoto ya Camp Hill kwa miezi 18.

Baada ya kutoka jela Carl alidhamiria sasa kuwa ni lazima awe muhalifu mwenye weledi wa hali ya juu kiasi kwamba atafanikiwa katika kila tukio na hatoweza kukamatwa na akadhamiria kama anataka kufanikiwa aibe fedha nyingi kwa wakati mmoja basi sehemu sahihi ya kuiba ni bank na kama anataka kweli awe muhalifu mweledi anatakiwa ajue namna sehemu hizo (majengo na mifumo) zinavyofanya kazi, afahamu namna ya kutumia silaha, ajue namna ya kujihami (self defense) na namna atakavyo toroka na fedha..

Baada ya kuweka dhamira hiyo Carl akachukua hatua ya kwanza na alichofanya ilikuwa ni kujiunga na Chuo kikuu cha Villanova ambapo alisomea Uhandisi wa umeme. Akiwa chuoni alitumia mwanya huo kujiunga na programu maalum ya jeshi la marekani kwa ajili ya kurecruit vijana walioko chuoni! Baada ya kumaliza Chuo akaenda kutumikia jeshi kwa muda mfupi kituo cha Fort Bragg na akiwa huko akapata mafunzo maalumu ya kijeshi (Special Forces and tactical weapons training)

Baada ya kupata mafunzo ya kijeshi Carl akarudi Chuo kusoma masters degree ya System Analysis na alipomaliza masters degree akafanya mafunzo ya awali kwa ajili ya shahada ya uzamivu katika Statistics.

Pia mtaani alipokuwa anaishi alijiunga na kituo cha kufundisha mafunzo ya kujihami (karate and judo) ambapo alifanikiwa kupata mkanda mweusi (third degree black belt)

Baada ya kufanikiwa kufanya maandalizi yote hayo na kupata kila aina ya mafunzo na uzoefu aliyohitaji ili kuwa 'muhalifu wa daraja la kwanza' sasa ulikuwa ni wakati kwake kupita kila benki kukomba hela na kuudhihirishia ulimwengu kuwa hakujapata kuwepo na itachukua miaka mingi kutokea muhalifu professional kama yeye Carl 'the Friday night bank robber'..

#1

MAANDALIZI KABLA YA TUKIO

Moja kati ya vitu vilivyomsaidia Carl kufanya matukio ya uhalifu kwa mafanikio ni uwezo wake wa kuweka mkakati wa utekelezaji jinsi gani atakavyofanikisha azma yake! Ni dhahiri kuwa mafunzo ya kijeshi aliyoyapata yalimsaidia sana kuwa mwanamkakati mzuri wa kiufundi wa matukio! Carl alikuwa anatumia had I miezi kadhaa katika kupanga utekelezaji wa tukio moja tu..

Kwanza kabisa Carl ali scout bank zilizopo katika miji midogo. Baada ya kupata orodha ya benki katika miji kadhaa midogo then Carl aliangalia kati ya bank hizo ni bank gani haziko katikati ya mji (kwa maana kwamba ziko pembezoni/nje ya mji). Kisha Carl aliichagua bank moja wapo kati ya hizo na bank ambayo inakuwa haiko karibu sana na makazi ya watu au iko karibu na msitu basi bank hiyo anaipa kioaumbele katika orodha yake..

Baada ya kuamua ni bank gani atafanya tukio, Carl alianza tafiti juu ya tukio lenyewe atakavyolitekeleza... Kwanza kabisa Carl alianza kwa kusoma mandhari yanayozunguka bank na interest yake kubwa inaelezwa kuwa alitafiti zaidi msitu ambao unakuwa karibia na bank.. Inaelezwa kuwa Carl angeutembelea msitu huo na kuukagua nukta baada ya nukta, haijalishi ni muda gani angetumia mpaka kumaliza kuukagua!
Inaelezwa kuwa lengo lake lilikuwa ni kujua ni maeneo gani ya msitu ambapo watu huwa wanamazoea ya kupita au kutembelea, ni eneo gani la msitu limejificha zaidi, ni upande gani wa msitu unakuwa rahisi kuifikia barabara, ni eneo gani la msitu lina umajimaji na eneo gani ni kavu na kadhalika na kadhalika.. Inaelezwa kuwa Carl angeutafiti huo msitu na kuufahamu kuliko hata wenyeji wa eneo hilo husika.. Angeufahamu msitu nukta kwa nukta!

Baada ya kuufanyia tafiti msitu, inaelezwa kuwa Carl alikuwa anageukia kuitafiti bank yenyewe na wafanya kazi wake.. Kuhusu bank, angetafiti je hiyo bank inafungwa na kufunguliwa saa ngapi, ni siku zipi huwa wanachelewa kufunga, ni siku gani wanakuwa na kiasi kikubwa cha fedha n.k! Kisha akimaliza hapo anageukia kuwatafiti wafanyakaxi wa bank husika.. Hapa alitafiti kuhusu 'shifti' zao za kazini, nanj ni teller, nani ni manager na pia kitu kingine cha msingi alijitahidi kuwasoma personality zao..

Baada ya kumaliza kufanya 'tafiti' zake Carl alienda hatua ya pili ya maandalizi ambapo ilikuwa ni kuandaa 'makazi na stoo' yake ya muda katika msitu uliopo karibu na bank ambapo alichimba handaki dogo kwa ustadi mkubwa na kulificha kabisa kwa juu mtu asiweze kujua kwa namna yoyote ile.. Moja ya wapelelezi ambao walihusika kufanikisha kumkamata Carl anaeleza Bw. Carr anaeleza kuwa siku ambayo walifanikiwa kugundua na kuliona handani mojawapo ambalo lilichimbbwa na Carl walistaajabu (kumbuka Carl alikuwa na zaidi ya mahandaki 30 sehemu tofauti tofauti za nchi ya marekani)! Inaelezwa kuwa kinachostaajabisha kuhusu mahandaki ya Carl ni jinsi yalivyo chimbwa kiustadi na kujengewa kwa ndani kwa vitofali vidogo vidogo.. Pia handaki lilikuwa linampangilio wa hali ya juu wa kiwango cha kijeshi (military precision). Ndani ya handaki kulikuwa na kila kitu ambacho angekihitaji, silaha, nyaraka za 'research', kifurushi cha kujikimu (survival kit), madawa ya dharura (first aid kit), vinyago vya kuficha sura (masks), fedha taslimu, majarida ya mazoezi ya kawaida na kijeshi na vitu vingine vingi..

Baada ya kumaliza maandalizi haya ya msingi Carl alijichimbia katika maktaba ya umma ya Philadelphia ambapo ndio alipafanya kama ofisi yake kwani inaelezwa kuwa alikuwa na mazoea ya kutumia muda mwingi hapo akifanya 'tafiti' na angekuwa hapo kwa wiki kadhaa ili ku-fainalize mpango wake na kufanya conclusion ya jinsi atakavyotekeleza tukio lenyewe..

#2

UTEKELEZAJI WA TUKIO

Matukio yote ambayo Carl aliyafanya alikuwa anayetekeleza mwezi October au November ambapo maeneo mengi yanakuwa yapo kwenye kipindi cha winter au autumn ambapo kunaambatana na baridi kali pamoja na jua kuzama mapema!
Pia matukio yake yote aliyatekeleza siku ya ijumaa na hii ndio iliyomfanya apewe jina la 'The Friday Night bank robber'..
Uchaguzi wake wa muda wa kufanya tukio ulimpa advantage kadhaa.. Kwanza kipindi cha winter na autumn jua linazama mapema kwa maana ya kwamba katika Masaa yale yale ambayo bank zinakuwa zinafungwa lakini katika kipindi hiki cha majira ya mwaka giza linakuwa limeanza kuingia hivyo inampa mwanya mzuri kufanya tukio.. Pia kufanya tukio ijumaa ilimaanisha kuwa ndio siku nzuri kwa bank kuwa na kiwango kikubwa cha Cash.. Lakini pia alitumia sababu ya kisaikolojia kuwa ijumaa wafanyakazi wanakuwa distracted kutokana na weekend kuanza hivyo umakini unakuwa mdogo..

Kwahiyo alichokifanya Carl kwanza ni kupaka 'harufu' kwenye nyumba zote zilizo karibu na bank ili kuwachanganya mbwa wa polisi wakija kujaribu kutafuta trail ya alikoelekea!

Now; siku ambayo Carl alikuwa anafanya tukio alivaa kinyago cha kutisha usoni ambacho kili-fit sawa sawa kabisa ili kuficha ngozi yake na! Pia alivaa manguo mengi ili kuleta muonekano kwamba ni mnene.. Na alikuwa akiingia ndani ya bank alitembea dizaini kama amechuchumaa mfano wa Kaa (crab)! Vitu vyote hivi alivyovifanya watu walihisi labda alikuwa na matatizo ya akili lakini hawakujua kuwa alivifanya kwa kusudi kabisa.. Alivaa kinyago cha kutisha ili kuleta effect ya kuogofya na kuficha tone ya ngozi yake, pia alivaa manguo mengi ili kuficha body size, na alitembea kama kaa akiwa kama amechuchumaa ili kuficha height!! Hii ilimsaidia sana kwani kwa miaka 30 FBI walishindwa kung'amua mtu wanayemtafuta alikuwa wa size gani, height gani au skin color ipi???

#3
Carl alikuwa anasubiri dakika 5 kabla bank haijafungwa ndipo alikuwa anavamia! Hii ilimpa possibility nzuri kuwa ndani kulikuwa na wafanya kazi pekee au Wateja wachache sana wamebakia..
Akishavamia bank alitoa bastola na kuamuru watu walale chini na wasimuangalie! Mashahidi wanaeleza kuwa kwa ustadi mkubwa (labda kutokana na mazoezi ya karate) Carl aliruka kutoka alipo mpaka kwenye droo za ma-teller na kuweka fedha zote alizozikuta humo kisha kwa ustadi ule ule aliruka tena mpaka upande wa wateja na kuwaamuru tena kwa msisitizo wasimuangalie na kabla hawajang'amua kinachoendelea Carl alikuwa tayari ashatoka nje ya bank na kutokomea katika msitu ulio karibu..
Inaelezwa kuwa katika matukio yake yote aliyatekeleza ndani ya muda usiozidi dakika mbili! Yani chini ya dakika mbili alikuwa tayari amevamia, amekomba hela na ameshatokomea msituni..

Carl anaeleza mwenyewe kuwa akiingia ndani ya msitu alikuwa anakimbia kwa dakika kadhaa kama kumi hivi mpaka mahala ambapo anakuwa ameficha baisikeli kisha anaendesha mpaka ndani ndani kabisa ya msitu kulipo na handaki lake, akifika kwenye handaki kila kitu anakiacha hapo; fedha alizoiba, masks, nguo, gloves etc kisha anavaa nguo nyingine za kawaida anaendesha baisikeli anaondoka! Carl anasema kuwa ataendesha baisikeli kwa muda wa kama dakika ishirini au zaidi mpaka upande wa pili wa msitu ambapo kuna barabara na hapo kunakuwa kuna gari amepaki linamsubiri.. then anawek baisikeli ndani ya gari anaendesha kama raia wa kawaida na kuelekea nyumbani..

Carl anasema alikuwa anacha wiki au miezi ipite mpaka stori kuhusu tukio la ujambazi zianze kufifia ndipo anarudi kwenye ule msitu na kuchukua 'hela zake'... Baada ya hapo maisha yanaendelea na anaanza 'tafiti' kwa ajili ya tukio linalofuata..

#4

KUKAMATWA NA MAZINGAOMBWE YA HUKUMU

Kukamatwa kwa Carl kulikuwa kwa bahati mbaya mno!
Kuna watoto walikuwa wanacheza katika msitu uliopo karibu na nyumbani kwao! Wakiwa ndani ya huo msitu waliokota PVC tube/pipe iliyokuwa imefichwa.. Baada ya kuifungua ndani walikuwa ilikuwa na bastola na vitu vingine kadhaa vinavyotia shaka. Wale watoto wakawataarifu wazazi wao na wazazi wao wakashauri vipelekwe polisi! Baada ya vitu hivyo kupelekwa polisi, vikachunguzwa na kukakutwa ramani.. Polisi walipoifuatilia ile ramani ikawqpeleka moja kwa moja kwenye handaki dogo ndani ya msitu! Kutokana na vitu vilivyokutwa ndani ya handaki hilo polisi wakapata wasiwasi kuwa inawezekana wanadeal na ishu serious kuliko uwezo wao hivyo wakawataarifu FBI! Baada ya FBI kuwasili iliwachukua masaa kadhaa tu kung'amua kuwa vitu hivyo vinahusiana moja kwa moja na Jambazi wanayemtafuta kwa miaka 30, The Friday night bank robber.

FBI walitumia alama za vidole walizozikuta kwenye ile handaki na pia walitumia kijarida kidogo kinachohusu kituo cha mafunzo ya karate kumtrack down Carl mpaka wakampata.
Siku Carl anakamatwa alikutwa "ofisini kwake" Maktaba ya Philadelphia Free Library akiwa anafanya "tafiti"

Baada ya kukamatwa na kesi kufikishwa mahakamani ilikuwa ni dhahiri kuwa Carl atahukumiwa kifungo cha maisha au aghalabu miaka 115 pasipo uwezekano wa kupata parole kutokana na mashitaka yanayomkabili lakini mwisho wa siku Carl alikubaliana deal na FBI kuwa awaeleze nukta kwa nukta kuhusu matukio yote 50 aliyoyafanya, pia akubali kushirikiana na FBI kutengeneza programu maalum kuwasaidia maafisa wa FBI kutambua namna ya kuwabaini 'serial criminals', na pia awaelekeze kuhusu saikolojia ya ku-plan matukio ya uhalifu yaliyo perfect.!
Carl akakubaliana na masharti yote haya na mahakama ikapunguza adhabu yake kutoka kifungo cha maisha mpaka kifungo cha miaka 17 bila parole..

Hivyo basi ikifika 2021 Carl Gugasian anarudi uraiani! Inaelezwa kuwa huko gerezani Carl ni mtu mnyoofu mno na ni mfungwa wa kuigwa na ameendeleza desturi yake ya kupenda mazoezi hivyo yuko katika afya njema sana na wengi wanaamini atafika 2021 akiwa salama salimini na naamini kabisa Hollywood wanaomba usiku na mchana atoke salama ili wamfanye celebrity na watupe bonge la muvi.!!

Read More →

WARAKA MZITO WA LEMA KWA JPM

Mh Rais nakusalimu, sasa ni usiku wa manane nimeamka nikiwa natafakari mambo mengi lakini zaidi sana ni kuhusu mwenendo wa demokrasia katika Nchi yetu, nimekosa usingizi kabisa nikifikiri ni namna gani ninaweza kusaidia kwa mawazo yangu kufanikisha nia yako njema katika ustawi wa Nchi yetu.

Mheshimiwa Rais na kabla sijaanza kuandika waraka huu kwako, nimesali nipate hekima ya kutosha juu ya maandishi haya ninayoandika na wewe pia nimekuombea sana kwa Mungu, kwani baada ya mimi na Wabunge wenzangu kufukuzwa Bungeni kwa kudai matangazo ya Bunge live nilikwenda kijijini kwetu kusalimia wazazi wangu, na nilipokuwa nawaelezea kwanini nimefukuzwa Bungeni matamshi yangu yalikuwa na laumu nyingi dhidi ya Serikali yako, Mama yangu aliniuliza kama huwa nakuombea kwa Mungu kama Rais wa Nchi, sikuwa na jibu la uaminifu kwake na hivi ndivyo alivyoniambia “ KAZI YA URAIS NI NGUMU, KILA MARA UNAPOSALI USIACHE KUMWOMBEA RAIS WA NCHI, MUNGU AMAJILIE AFYA NJEMA, HEKIMA NA BUSARA KWANI RAIS AKIKOSEA KUAMUA NI NCHI IMEKOSEA SAFARI YAKE YA MAFANIKIO NA USTAWI, KWA HIYO MUOMBEE RAIS SIKU ZOTE “

Mheshimiwa Rais, ulikuwa ni husia muhimu sana kwangu lakini mgumu sana kwa wakati huo, lakini baada ya kutafakari, kuanzia siku hiyo mimi na Familia yangu tumekuwa tukikuombea sana kwa Mwenyezi Mungu ili Nchi yetu isikosee safari yake ya mafanikio yaliyojaa Ustawi bora na Uhuru.

Mheshimiwa Rais, kama ambavyo naamini Watu wengi wanakuombea na Sisi pia tunaomba utuombee, Mungu atujalie hekima, busara na uvumulivu juu ya maumivu tunayopitia wakati tunapojaribu kutekeleza wajibu wetu wa kidemokrasia katika Nchi yenye msingi wa demokrasia lakini kwa bahati mbaya sana kazi zetu za siasa zimekuwa ngumu sana na mashaka kuliko hata wakati ule wa ukoloni.

Mheshimiwa Rais, Ukimchukua ndege porini ukamfuga nyumbani ,ukamtengenezea kiota cha pamba na sufi, ukampa chakula chake kwa ufasaha na asikose maji ya kunywa tena masafi ya chupa ya Kilimanjaro, ukamfungia ndani asipate tabu juani, hakika siku ukiacha mlango au dirisha wazi ataondoka na hatarudi, atakwenda porini akatafute asili yake na Uhuru wake, atakwenda kutafuta chakula kwa shida, maji kwa shida, lakini lengo muhimu ambalo ni Uhuru litampa faraja kubwa ya kwamba ameondoka kizuizini.

Mheshimiwa Rais, unaweza ukatupa chakula, elimu, afya, na mambo mengi muhimu, lakini ukitunyima Uhuru wa kusema, tukaishi kwa hofu kama tuliyonayo sasa, Mheshimiwa Rais nakuhakikishia siku ukiacha dirisha wazi tutatoroka na kamwe hatutarudi. Aliyekuwa Rais wa Libya Hayati Muhamar Gaddafi, alifanya kazi kubwa ya kujenga Libya hata mahari watu walilipiwa na Serikali walipotaka kuoa, watu walipewa nyumba na mambo mengi muhimu, lakini Gaddafi alisahau kuwa hakuna zawadi kubwa kwa Binadamu zaidi ya Uhuru.

Mheshimiwa Rais, ruhusu Watu waseme, acha Watu wapige kelele, ruhusu mioyo yao ipumue, wacha Watu wakosoe jambo hili halitakuwa balaa kwako bali Baraka. Kama kweli unayo nia njema, njia pekee na muhimu tu unayoweza kuthibitisha nayo nia yako njema ni kuruhusu mfumo wa demokrasia wa Vyama vingi kukua, umekuwa ukipigana sana na mambo mengi machafu yaliofanywa na Serikali ya Chama chako huko nyuma, umethibitisha kwetu kwa kiwango fulani na kwa umma wote hali mbaya uliyoikuta Serikalini baada ya kuingia Ikulu, hili funzo tosha kwako kwamba namna pekee ya kusaidia Taifa hili ni kujenga demokrasia ya dhati na kufufua matumaini ya Watanzania kwa kuwapa Katiba bora waliyoitaka, ambayo hata kama uwepo wako hautakuwepo Watanzania watakuwa salama na watasonga mbele.

Mheshimiwa Rais, mamlaka uliyonayo yanatokana na Katiba , Wewe ni Kiongozi Mkuu wa Nchi kwa sababu ya Katiba, Majeshi yote yanakutii wewe ni kwa sababu ya Katiba, uteuzi wote unaofanya wa Viongozi katika utawala na unaowatumbua, mamlaka hayo pia umepewa na Katiba, mikutano ya hadhara ya vyama vya siasa pia ni matakwa ya Katiba na tumepewa na Katiba ,na wote sisi kwa dini zetu mbali mbali na makabila yetu wote tunakutana na kuunganishwa na Katiba na kuheshimu Katiba kama msingi mkuu wa uendeshaji wa Nchi.

Mheshimiwa Rais, Mungu adhihakiwi kwani apandacho Mtu ndicho avunacho,Wazazi wengi wanalia sana siku hizi juu ya tabia ya kwamba watoto wao wamekuwa walevi na wenye adabu mbaya, lakini ukifanya utafiti karibu nyumba zote za kisasa zinazojengwa siku hizi ramani ya nyumba hizo hazikosi baa ndogo ndani ya nyumba hizo, kama hatuwezi kufanya tunayo ruhusiwa na Katiba na anayetuzuia kufanya hivyo mamlaka yake yanatokana na Katiba, hakika mbegu inayopandwa hapa ni hatari kwa ustawi wa Taifa, iko siku amri ya utekelezaji juu ya masuala muhimu haitachukuliwa kwa sababu umuhimu wa kuheshimu Katiba na utawala wa sheria hautakuwepo.

Mheshimiwa Rais, Haki huinua Taifa,tuanapoelekea tarehe 1/09/2016, CHADEMA imeitisha mikutano ya hadhara kote Nchini pamoja na maandamano, tayari kauli yako na viongozi wengine wa juu wa Serikali wameonya juu ya Mikutano hiyo na kusema hatua kali zitachukuliwa bila huruma dhidi ya watu wote watakaojitokeza kuunga mkono harakati hizo.

Mheshimiwa Rais, tunafahamu Jeshi la Polisi liko imara kupambana na kuzuia haki hii ya Kikatiba, pengine Watu wataumia na wengine watakufa, je ni kweli tunahitaji kufika huko? je hatuoni kuwa matakwa ya Katiba yakizingatiwa risasi wala bomu havitatumika, maandamano haya yameitishwa kushinikiza haki yetu ya Kikatiba ya kufanya mikutano, Uhuru huu wa Katiba ukizingatiwa kwa kuruhusu mikutano ya hadhara hakika ni kwamba maandamano hayatakuwepo na kusema kwamba Sasa ni Kazi tu, na mikutano yote ya Siasa isubiri 2020, je ni halali Mkristo kusali siku ya Noeli (Christmas ) tu ? au Mwislamu kuingia Msikitini siku ya Idd tu?

Mheshimiwa Rais, Siasa ni Kazi na ndio maana wewe ni Rais kwa sababu ya Siasa na Mimi ni Mbunge kwa sababu ya Siasa, tena ni kazi muhimu sana tu kwani ndio mfumo pekee unaotafuta utawala wa ngazi mbali mbali na wa juu kabisa katika Nchi.

Mheshimiwa Rais, lakini pia kufuatia kauli yako ya kwamba kila Mtu afanye mkutano kule alikochaguliwa ni hatari kwa ustawi wa Taifa letu na mshikamano kwani tunajenga siasa za ukanda na ukabila katika Nchi yetu. Mkoa wa Kilimanjaro ccm ina majimbo mawili tu, maana yake CCM hawatakiwi kufanya mikutano ya hadhara na siasa sehemu nyingine za Mkoa wa Kilimanjaro? Mkoa wa Geita hauna hata Jimbo moja la Upinzani, je huko nako vyama vyetu havitakiwi kwenda kufanya mikutano na ujenzi wa chama? Je, ikiendelea hivi huoni kuwa tutaanza kujenga misingi ya kugombania nafasi za siasa kule ambako ni asili za makabila yetu tu?

Mheshimiwa Rais, jambo hili litaleta mpasuko katika Taifa letu ni kauli inayopaswa kerekebishwa haraka , hivi Karibuni Msemaji wa ccm Ole Sendeka alifanya Mkutano Longido, je Ole Sendeka ni Mbunge wa Longido? au Polisi wa Mkoa wa Arusha hawakusikia tamko lako?

Mheshimiwa Rais, nakuomba sana utambue kwamba, unyenyekevu sio utumwa wala uzembe, ukizingatia matakwa ya Katiba hakuna mwenye hekima hatakaye kudharau, wewe ni Binadamu unaweza ukufanya makosa usiruhusu mikono yako ikashika damu pasipo sababu ya msingi ni laana kwa Taifa na Kizazi chako.

Mheshimiwa Rais, na kama jambo hili ambalo liko wazi katika Katiba yetu halitaweza kupata fikra yako na mwelekeo mpya wa mawazo yako, basi itakuwa ni dhahiri kwamba unachokitafuta katika utawala wako sio haki ya Watanzania bali ni utukufu binafsi. Na suala lolote kuhusu utukufu ni suala linalomuhusu Mungu na sio Binadamu

Mheshimiwa Rais, Polisi wanajiandaa kwa sababu ni muhimu wakatii amri ya Amiri Jeshi Mkuu, wasipofanya hivyo watakuwa wanafanya uhaini, lakini ni vyema ikajulikana kwamba, dhamira ikichoka huwa inatamani mauti, tukikaa kimya huku dhamira zetu zikiumia ni hatari kuliko kupiga kelele kwa sauti kuu, ni maombi yangu kwa Mungu kwamba muufaka wa utata huu wa Uhuru wa Vyama vya Siasa unaotokana na Katiba uwe umepatikana mapema iwezekanavyo ili kuepusha hatari inayoweza kutokea na kusabibisha maumivu , hasara, vifo na utengano katika Taifa letu.

Mheshimiwa Rais, wakati Polisi wanajiandaa kukabiliana na waandamanaji wanaodai haki yao ya kweli, chuki kubwa inaendelea kujengwa kati ya walinzi hawa wa amani na raia, mashaka yangu ni kwamba kunaweza kutatokea mpasuko mkubwa huko mbele ya safari kati ya Polisi na raia, maisha ya visasi yataanza mitaani na mwelekeo mbaya wa Taifa letu unaweza kutokea.

Mwisho, Mheshimiwa Rais, nakutakia kila la kheri na Mungu akubariki sana katika kazi zako na maamuzi yako ya kila siku , ila siku zote kumbuka" Haki huinua Taifa"

“Never forget that justice is what love looks like in public“ Cornel West

“injustice anywhere is a threat to justice everywhere” Martin Luther JR“

“Peace and justice are two sides of the same coin“ Dwight D.Eisenhower

“All the great things are simple , and many can be expressed in a single word, freedom , justice, honor, duty, mercy, hope” Winston Churchill

Godbless J Lema (MB)

Read More →

RUSSIA YAZINDUA ROBOTI YENYE UMBO LA KIFARU

Kiwanda cha silaha cha Degtyarev na Mfuko wa utafiti katika mustakabali wa Russia vimesanifu kwa pamoja roboti ya vita ya "Nerekhta-2".
Roboti hii inayofanana na kifaru kidogo ina urefu wa mita 2.5, upana wa mita 1.6 na kimo cha mita 0.9, na uzito wake ni tani 1 hivi.
Roboti hii inaweza kufanya doria, kuchunguza, kusaidia mapambano, kufanya mawasiliano, na kusafirisha watu na vitu. Ina bunduki moja nyepesi yenye kipenyo cha milimita 7.62 na bunduki moja nzito yenye kipenyo cha milimita 12.7. Watafiti pia wanapanga kuweka mzinga mdogo kwenye roboti hii.
Askari wanaweza kuwasiliana na roboti hii kwa remote kwa umbali wa kilomita 3. Pia inaweza kuendeshwa kwa maneno au ishara ya mikono. Askari akitaka roboti hii kumsaidia, anatakiwa kupunga silaha yake kwa njia maalum, baadaye roboti inafyatulia risasi kitu au mtu aliyelengwa.
Mchana roboti hii inaweza kutambua shabaha iliyoko umbali wa kilomita 5 kutoka mahali ilipo kwa darubini, na usiku inaweza kutambua shabaha iliyoko kilomita 4 kwa kifaa cha kuonea usiku.
Roboti hii ina injini yenye nguvu kubwa, na inaweza kuendeshwa kwa kasi ya kilomita 32 kwa saa. Inapofanya kazi ya usafirishaji, inaweza kubeba vitu vyenye uzito wa kilo 700.
Askari mmoja anaweza kuziongoza roboti 18 kufanya kazi kwa pamoja kwa remote moja tu.

Read More →