DRONE YA MAREKANI YAANGUKIA MIKONONI MWA AL-SHBAAB

Ndege moja isiokuwa na rubani inayodaiwa kumilikiwa na Marekani imeanguka kusini mwa Somalia kulingana na chombo cha habari cha Shabelle. Chombo hicho kinasema kuwa ndege hiyo yenye kamera za kuchunguza ilianguka siku ya Jumanne katika eneo la Baladul-Amin eneo linalodhibitiwa na wapiganaji wa al-Shabab katika jimbo la Shabelle. Ripoti zinasema kuwa wapiganaji wa al-Shabab walielekea pale ndege hiyo ilipoanguka na kuchukua mabaki yake.